روس میں یوکرین مخالف معروف فوجی بلاگر کی بم دھماکے میں ٹارگٹ کلنگ

روسی بلاگر نے تقریب پذیرائی میں مجسمہ وصول کیا جو دھماکے سے پھٹ گیا؛ فوٹو: فائل

---

روسی فوجی کی مہمات اور کارروائیوں پر لائیو بلاگنگ کرنے والے ولادلن تاتارسکی انعام میں ملنے والا مجسمے میں نصب بم دھماکے میں ہلاک جب کہ دیگر 25 افراد زخمی ہوگئے۔

عالمی خبر رساں ادارے کے مطابق بم دھماکے میں ہلاک ہونے والے روسی بلاگر 'میکسم فومین' سوشل میڈیا پر تاتارسکی کے نام سے شہرت رکھتے تھے جن کے فالورز کی تعداد لاکھوں میں تھی۔

ایک کیفے میں روسی بلاگر کے اعزاز میں تقریب پذیرائی جاری تھی جس میں انھیں ایک مجمسہ دیا گیا۔ مجسمہ وصول کرنے کے بعد ابھی تاتارسکی اپنی گفتگو جاری رکھے ہوئے تھے کہ مجسمہ دھماکے سے پھٹ گیا۔

A deadly explosion rocked a cafe in St. Petersburg, claiming the life of Russian blogger Vladlen Tatarsky. Reportedly, the explosion device was radio-controlled with a capacity of 100 grams of TNT.

According to reports, the explosive device was hidden in a statue that was given… pic.twitter.com/K2XAv0dUR5

— Russian Market (@runews) April 2, 2023

ابتدائی تفتیش میں پتہ چلا کہ مجسمے میں ایک بم نصب تھا اور یہ ٹارگٹ کلنگ کی ایک واردات تھی تاہم ابھی یہ واضح نہیں ہوسکا کہ اس واردات کے پیچھے کون تھا۔

روس کی وزارت خارجہ کی جانب سے جاری بیان میں کہا گیا ہے کہ اس حملے پر خاموشی سے مغربی ممالک کی منافقت بے نقاب ہوگئی۔

خیال رہے کہ روسی فوجیوں کی مہمات کی کوریج کرنے والے بلاگر تاتارسکی یوکرین میں فوج کشی کے حامی تھے اور یوکرین پر روسی فوج کے حملوں کی ویڈیو وائرل بھی کرتے تھے۔