شکیرا نے سابق شوہر جیرارڈ پیک سے علیحدگی کے بعد بارسلونا کو بھی خیر باد کہہ دیا
شکیرا اور فٹبالر جیرارڈ پیک میں گزشتہ برس جون میں علیحدگی ہوگئی تھی
کولمبین گلوکارہ شکیرا سابق شوہر جیرارڈ پیک سے علیحدگی کے بعد بارسلونا کو بھی خیرباد کہہ چکی ہیں۔
غیر ملکی میڈیا رپورٹ کے مطابق عالمی شہرت یافتہ گلوکارہ نے فوٹو اینڈ ویڈیو شیئرنگ پلیٹ فارم انسٹاگرام پر اسپین کے خوبصورت مناظر کی تصویر شیئر کرتے ہوئے مداحوں کو آگاہ کیا کہ وہ اپنے بیٹوں کے ہمراہ یہاں منتقل ہوگئی ہیں۔
شکیرا نے تصویر کے کیپشن میں لکھا کہ وہ اپنے بچوں کو ایک اچھی زندگی دینے کیلئے بارسلونا سے اسپین منتقل ہوگئی ہیں۔
شکیرا کا کہنا تھا کہ اب وہ اپنے بیٹوں کے ہمراہ خوشیاں تلاش کرنے کیلئے زندگی کے ایک نئے سفر کا آغاز کر رہی ہیں اور ایسی جگہ کو اپنا مسکن بنائیں گی جہاں ان کا خاندان دوست اور سمندر ہو۔
یاد رہے کہ شکیرا اور فٹبالر جیرارڈ پیک میں گزشتہ برس جون میں علیحدگی ہوگئی تھی اپنے بیان میں ان کا کہنا تھا کہ ہم دونوں اپنے بچوں میلان اور ساشا کے بہتر مستقبل اور پرورش کی خاطر الگ ہو رہے ہیں۔