نایاب ترین شارک راہ بھٹک کر ساحل تک پہنچ گئی

آئرلینڈ کی جدید تاریخ میں پہلی مرتبہ ٹائگرشارک کو ساحل پر دیکھا گیا ہے۔ فوٹو: ڈیلی اسٹار

---

آئرلینڈ کے ساحل پر نایاب ترین ٹائگر شارک آکر پھنسی ہے اور یہ اس ملک کے ساحل پر اپی نوعیت کا واحد اور انوکھا واقعہ بھی ہے۔

14 فٹ طویل نایاب ترین ٹائگرشارک کا وزن 300 سے 400 کلوگرام بتایا جارہا ہے جبکہ سائنسداں اس غیرمعمولی واقعے کی وجہ جاننے میں مصروف ہیں۔

ساحل پر پھنسی شارک پر سب سے پہلی نظر، سوئزرلینڈ کے سیاحوں کی پڑی جس کے بعد انہوں نے انتظامیہ سے رابطہ کیا۔ اس کے بعد ٹرینٹی کالج ڈبلن کے ماہرنکولس پائن اور ان کے ساتھی وہاں پہنچے۔ انہوں نے بتایا کہ تصویریں دیکھتے ہی وہ فوری طور پر اپنی ٹیم کے ہمراہ ویکسفورڈ پہنچے جہاں کے ساحل پر ٹائگرشارک موجود تھی۔



نکولس نےمچھلی کو دوبارہ پانی کے حوالے کرنے سے قبل اس کے کئی نمونے لیے، پیمائش کی اور وزن کا اندازہ لگایا لیکن اس سے قبل ہی وہ مرچکی تھی۔ تاہم اس کی موجودگی اور موت کی وجہ خود ایک معمہ بھی ہے۔ تاہم ٹائگرشارک کو اتنے قریب سےپہلی مرتبہ دیکھنا ایک یادگار لمحہ بھی تھا۔

ماہرین نے اس امر پر تشویش کا اظہار کرتے ہوئے کہا ہےکہ نایاب ترین ٹائگر شارک کی موت ایک المناک واقعہ ہے اور اس کے تدارک پر غورکرنا ہوگا۔