مسجد اقصیٰ پر دھاوا حماس کا اسرائیل کو بھرپور جواب

اسرائیلی پولیس اہلکاروں نے خواتین کو بھی تشدد کا نشانہ بنایا:فوٹو:سوشل میڈیا

---

اسرائیلی پولیس نے ایک بار پھر دہشتگردی کا مظاہرہ کرتے ہوئے مسجد اقصیٰ میں گھُس کر نمازیوں کو تشدد کا نشانہ بنایا جس پر حماس نے بھرپور جواب میں اسرائیل پر راکٹ داغ دیے۔

غیرملکی خبررساں ادارے کے مطابق اسرائیلی پولیس اہلکاروں نے ایک بار پھر مسجد اقصیٰ کا تقدس پامال کرتے ہوئے مسجد کے احاطے میں گھس کر نمازیوں کو بدترین تشدد کا نشانہ بنایا۔ اسرائیلی پولیس کے تشدد سے خواتین سمیت 60 سے زائد نمازی زخمی ہوگئے۔

حماس نے اسرائیل کی ریاستی دہشتگردی کا بھرپور جواب دیتے ہوئے اسرائیل پر 9 راکٹ حملے کیے جبکہ اسرائیل نے جواب میں ٹینک سے حماس کے ٹھکانوں کو نشانہ بنایا۔

I strongly condemn the brutal attacks made by Israeli soldiers towards the muslims praying in #AlAqsa. Sooner or later Israeli occupation will be over and we will see the freedom of #Palestine and #jerusalem altogether inshaAllah. #AlAqsaUnderAttack

https://t.co/x5wNcGrHVD

— Turgay Evren (@TurgayEvren1) April 5, 2023

اسرائیلی پولیس نے نہتے نمازیوں پر گرینیڈ پھینکے اور آنسو گیس کی شیلنگ کی جس سے متعدد نمازیوں کی حالت غیر ہوگئی۔

اسرائیلی پولیس کے مسجد اقصیٰ میں گھسنے کی خبر سنتے ہی سیکڑوں فلسطینی مرد اور خواتین مسجد اقصیٰ پہنچ گئے اور اسرائیلی پولیس کی دہشتگردی کے خلاف شدید احتجاج کیا۔ اسرائیلی پولیس نے متعدد خواتین سمیت متعدد مظاہرین کو گرفتار کرلیا۔