سپریم کورٹ فیصلے کے بعد الیکشن کمیشن کا اہم مشاورتی اجلاس آج ہوگا
چیف الیکشن کمشنر کی زیر صدارت اجلاس میں سپریم کورٹ کے احکامات کا جائزہ لے کر انتخابت کا لائحہ عمل طے کیا جائے گا
سپریم کورٹ سے انتخابات التوا کیس کا گزشتہ روز فیصلہ آنے کے بعد الیکشن کمیشن کا اہم مشاورتی اجلاس آج ہوگا۔
ذرائع کے مطابق الیکشن کمیشن کا اجلاس آج دن 11 بجے الیکشن کمیشن سیکرٹریٹ اسلام آباد میں ہو گا، جس کی صدارت چیف الیکشن کمشنر سکندر سلطان راجا کریں گے۔
اجلاس میں سپریم کورٹ کے فیصلے کاجائزہ لیا جائے گا۔ الیکشن کمیشن سپریم کورٹ احکامات کے مطابق الیکشن کرانے کے لیے لائحہ عمل طے کرے گا۔