پنجاب کی جامعات میں طالبات کے لیے اسکوٹی ٹریننگ کا آغاز

ویمن آن ویل کے تحت خواتین کو موٹر سائیکل چلانے کی تربیت بھی دی جارہی ہے:فوٹو:ایکسپریس نیوز

---

پنجاب کی جامعات میں ' رائیڈ فار چینج ' پروگرام کے تحت طالبات کے لیے اسکوٹی ٹریننگ کا آغاز ہوگیا۔

سٹی ٹریفک پولیس اور ملٹی نیشنل کمپنی کے تعاون سے جاری پروگرام کے تحت لمز یونیورسٹی کے بعد اب یونیورسٹی آف سینٹرل پنجاب میں طالبات کو اسکوٹی چلانے کی ٹریننگ دی جارہی ہے۔ اس موقع پر طالبات کو فری ڈرائیونگ لرنر پرمٹ بھی جاری کیے جارہے ہیں۔

لمز یونیورسٹی میں 500 سے زائد طالبات کو لرنر پرمٹ اور اسکوٹی رائیڈ کے بارے بریفنگ دی گئی۔ ' ویمن آن ویل' پروجیکٹ کے تحت بھی خواتین کو موٹر سائیکل چلانے کی تربیت مفت فراہم کی جا رہی ہے۔

سی ٹی او لاہور کے مطابق وویمن آن ویلز اسکول ایل او ایس میں خواتین کی ٹریننگ کا 70 واں بیج زیر تربیت ہے اور اب تک 6 ہزار سے زائد خواتین کو ٹرینڈ کیا جا چکا ہے۔کورس کے اختتام پر خواتین کو ڈرائیونگ لائسنس بھی جاری کئے جارہے ہیں۔

انہوں نے مزید کہا کہ خواتین ویمن آن ویل اسکول میں داخلے کیلیے ہیلپ لائن 15 پر کال یا راستہ ایپ سے رہنمائی حاصل کر سکتی ہیں۔ ' وومن آن ویلز' پروجیکٹ اور' رائیڈ فار چینج ' پروگرام کامقصد خواتین کو زیادہ پر اعتماد اور خود مختار بنانا ہے۔