لاہورمیں ڈاکوؤں نے پولیس کانسٹیبل کوہی لوٹ لیا
ملزمان نے اسلحہ کے زور پر محمد جاوید اور اس کے دوست سے ایک لاکھ مالیت کی نقدی، موٹرسائیکل اور موبائل فونز چھین لیے
گجر پورہ کے علاقے میں ڈاکوؤں نے موٹرسائیکل سوار پولیس کانسٹیبل سے موٹرسائیکل اور نقدی چھین لی۔
اس حوالے سے درج ایف آئی آر کے مطابق ملزمان نے پولیس کانسٹیبل اور اس کے دوست سے اسلحہ کے زور پر موٹرسائیکل اور نقدی چھینی۔ ایف آئی آر کے مطابق کانسٹیبل محمد جاوید اپنے دوست آفتاب کے ہمراہ موٹرسائیکل پر جا رہا تھا۔
ایف آئی آر کے مطابق دو موٹرسائیکل سوار ڈاکوﺅں نے اسلحہ کے زور پر ایک لاکھ 17 ہزار مالیت کی نقدی، موٹرسائیکل اور موبائل فونز چھین لیے، تھانہ گجر پورہ پولیس نے واردات کا مقدمہ درج کرکے تحقیقات شروع کر دیں۔