شاہین نے بالنگ کے بعد بیٹنگ پر توجہ مرکوز کرلی

فاسٹ بولر نے پی ایس ایل میں 168.35 کے اسٹرائیک ریٹ سے بیٹنگ کی تھی (فوٹو: ٹوئٹر)

---

قومی کرکٹ ٹیم کے فاسٹ بولر شاہین شاہ آفریدی کا کہنا ہے کہ پاکستان کی فتوحات میں حصہ ڈالنے کی بیٹنگ پر توجہ دے رہا ہوں۔

نیوزی لینڈ کے خلاف پریکٹس سیشن کے دوران پی سی بی کی جانب سے جاری کی گئی ویڈیو شیئر کی گئی جس میں شاہین شاہ آفریدی بیٹنگ کرتے دیکھائی دے رہے ہیں۔

شاہین آفریدی نے کہا کہ انڈر 19 کے وقت سے بیٹنگ میں دلچسپی رکھتا تھا لیکن کبھی بھرپور توجہ نہیں لیکن اب بیٹنگ پریکٹس کررہا ہوں، ری ہیب کے دوران بلےبازی پر توجہ دی جو پی ایس ایل میں کام آئی۔

مزید پڑھیں: بابراعظم اور عماد وسیم ایک دوسرے کے آمنے سامنے آگئے

انہوں نے کہا کہ آہستہ آہستہ بلے بازی کا فن سیکھ رہا ہوں تاکہ مشکل وقت میں ٹیم کے کیلئے آل راؤنڈ کارکردگی دکھا سکوں، میں اپنی بیٹنگ پوزیشن سے قطع نظر پاکستان کیلئے میچز جیتنا چاہوں گا۔

مزید پڑھیں: حارث سہیل کی فٹنس پر سوال اٹھنے لگے،موٹاپے والی تصویر زیرِگردش

واضح رہے کہ پاکستان سپر لیگ (پی ایس ایل) کے آٹھویں ایڈیشن میں شاہین آفریدی نے اپنی جارحانہ بیٹنگ سے توجہ اپنی طرف مبذول کروائی تھی، انہوں نے 8 اننگز میں 168.35 کے شاندار اسٹرائیک ریٹ پر 133 رنز بنائے تھے۔

🔊🔛 Follow @iShaheenAfridi batting in the nets as he gears up for international return 🏏#PAKvNZ | #CricketMubarak pic.twitter.com/WDo9BIDoYu

— Pakistan Cricket (@TheRealPCB) April 9, 2023