اسلام آباد میں ٹرک اور کار کے درمیان تصادم سے تین دوست جاں بحق

ایک دوست شدید زخمی، حادثہ ٹرک اور تیز رفتار کار کے درمیان پیش آیا، چاروں دوست ایک ہی گلی کے رہائشی ہیں

Staff Reporter April 09, 2023

حادثے کا شکار کار کی تصویر (فوٹو : ایکسپریس)

ایکسپریس ہائی وے پر تیز رفتار کار چونے سے لدے ٹرک کے نیچے جاگھسی نتیجے میں تین دوست موقع پر جاں بحق جبکہ ایک شدید زخمی ہوگیا، چاروں نوجوان رینٹ پر کار لے کرڈرائیونگ سیکھ رہے تھے کہ بے قابو ہوگئی۔

ایکسپریس نیوز کے مطابق تھانہ کورال کی پولیس نے بتایا ہے کہ جائے حادثہ کو دیکھ کر معلوم ہوا کہ کرولا کار نمبر آئی سی ٹی CW 836 کو عباس نامی لڑکا چلا رہا تھا جو ٹرک نمبر GLTA 6770 میں جاگھسی جس سے کار مکمل طور پر تباہ ہوگئی۔

Islamabd Traffic accident three friend dies

Islamabd Traffic accident three friend dies

پولیس کے مطابق کار میں چار لڑکے سوار تھے جو ایک ہی گلی فضائیہ کالونی کھنہ کے رہائشی ہیں ان میں سے 20 سالہ عباس شاہ ولد نذر حسین شاہ ساکن مانسہرہ، 12 سالہ عباس احمد ولد سید عرب ساکن فضائیہ کالونی کھنہ پل اسلام آباد، 24 سالہ سعد ولد ضمیر پمز اسپتال پہنچ کردم توڑ گئے جبکہ ایک نوجوان زمان ولد فیض امین شدید زخمی حالت میں زیر علاج ہے۔

Islamabd Traffic accident three friend dies 3

Islamabd Traffic accident three friend dies 3

متوفی عباس کے بھائی ابراہیم کے مطابق کار رینٹ پر لے کر آئے جس پر ڈرائیونگ سیکھ رہے تھے۔ ٹریفک سارجنٹ انسپکٹر قاسم کے مطابق کار بے قابو ہو کر پیچھے سے ٹرک کے نیچے جا گھسی، ٹرک کا ڈرائیور موقع سے بھاگ گیا ہے جس ریکارڈ لے کر مالک اور ڈرائیور کو ڈھونڈا جارہا ہے۔

Islamabd Traffic accident three friend dies 4

Islamabd Traffic accident three friend dies 4

پولیس کے مطابق میتیں ورثاء کے حوالے کردی گئی ہیں جنہوں نے پولیس کوبیان دیا ہے کہ وہ کسی قسم کی قانونی کارروائی نہیں کروانا چاہتے۔

Islamabd Traffic accident three friend dies 5