سعودی عرب میں حسن قرات کا سب سے بڑا مقابلہ ایرانی قاری نے جیت لیا

اذان کیٹیگری میں پہلا انعام سعودی عرب کے محمد آل شریف کے نام رہا

ویب ڈیسک April 09, 2023

اذان کیٹیگری کا پہلا انعام سعودی قاری کے نام رہا؛ فوٹو: فائل

سعودی عرب میں منعقد کردہ دنیا کا سب سے بڑا حُسن قرأت کا مقابلہ ایران سے تعلق رکھنے والے نوجوان قاری یونس شاہ مرادی نے جیت کر 30 لاکھ سعودی ریال کا انعام حاصل کرلیا۔

سعودی میڈیا کے مطابق حسن قرأت کے مقابلے 'عطر الکلام' میں مسحور کن تلاوت سے سامعین کے ایمان کو تازہ کرنے والے 20 فاتحین میں انعامات کی بارش کردی گئی۔

بصوتهِ الرقيق؛ يونس شاهمرادي من إيران ❤️🇮🇷
يتلو آياتٍ من سورة الفتح
تُعرض الحلقة على شاشة mbc ومنصّة شاهد 🌙#عطر_الكلام pic.twitter.com/fPz5RFdZSP
— عطر الكلام (@OtrElKalam) April 5, 2023

عطر الکلام مقابلے کی سب سے خاص بات یہ ہے کہ یہ دنیا کا سب سے زیادہ انعامات دینے والا مقابلہ ہی نہیں بلکہ ان مقابلوں کے دوران مختلف کیٹیگریز میں 6 گنیز بک آف ورلڈ ریکارڈ بھی بنے۔

گشایش در مناسبات #ایران و #عربستان به دایره فرهنگی نیز وارد شد و «#یونس_شاهمرادی» قاری ایرانی قرآن کریم موفق شد تا بالاتر از «عبدالعزیز الفقیه» رقیب عربستانی خود، عنوان نخست دومین دوره رقابت های استعدادیابی قرآنی «#عطرالکلام» عربستان را از آن خود سازد.
۱/۲ pic.twitter.com/OzPIKVzLQb
— بن بست خاورمیانه Middle East Dead End (@MiddleeastDE) April 7, 2023

یہ ریکارڈ گنیز بک کے نمائندوں کی موجودگی میں بنے اور انھوں نے خود سرٹیفکیٹس جاری کیے۔

عطر الکلام کی تلاوت کی کیٹیگری میں پہلا انعام حاصل کرنے والے ایران کے یونس شاہ کو 30 لاکھ سعودی ریال انعام دیا گیا۔

تعرّف على العشرة الفائزين من فئة القرآن في نهائي #عطر_الكلام ❤️ pic.twitter.com/xDGWedeP5v
— عطر الكلام (@OtrElKalam) April 7, 2023

دوسرے انعام کے حق دار سعودی عرب کے عبد العزیز الفقیہ قرار پائے جنھیں 20 لاکھ ریال انعام دیا گیا۔

تیسرے اور چوتھے نمبر پر مراکش کے زکریا الزریک اور عبداللّٰہ الدغری رہے جنھیں بالترتیب 10 لاکھ اور 7 لاکھ ریال کا انعام دیا گیا۔

تعرّف على العشرة الفائزين من فئة الأذان ❤️🕌
#عطر_الكلام pic.twitter.com/yO7HEKLKSn
— عطر الكلام (@OtrElKalam) April 7, 2023

تلاوت کے بعد اذان کیٹیگری کے فاتحین میں بھی انعامات تقسیم کیے گئے۔ اس کیٹیگری میں سعودی عرب کے محمد آل شریف نے پہلا انعام 20 لاکھ ریال دیا گیا۔

اذان کیٹیگری کے دیگر فاتحین کا تعلق لبنان، انڈونیشیا اور برطانیہ سے ہے۔