ایک دل ہے کتنی بار جیتو گے کنگ خان کی معذور مداح سے ملاقات کی ویڈیو وائرل
شاہ رُخ مداح کے سر پر ہاتھ پھیرتے اور بوسہ دیتے رہے جس پر انہیں خوب سراہا جارہا ہے
بالی ووڈ کے سُپر اسٹار شاہ رُخ خان نے اپنے ایک معذور مداح سے ملاقات کی ہے جس کی ویڈیو سوشل میڈیا پر خوب وائرل ہو رہی ہے۔
بھارتی میڈیا رپورٹ کے مطابق آئی پی ایل میں شاہ رُخ خان کی ٹیم کولکتہ نائٹ رائیڈرز نے ویرات کوہلی کی ٹیم رائل چیلنجرز بنگلور کو 81 رنز سے شکست دی جس کے بعد کنگ خان نے گراؤنڈ میں موجود اپنے کئی مداحوں سے ملاقات کی۔
ان مداحوں میں کنگ خان کا ایک معذور مداح (اسپیشل چائلڈ) ہرشل بھی شامل تھا، سوشل میڈیا پر وائرل ہونے والی اس ویڈیو میں دیکھا جا سکتا ہے کہ ہرشل کنگ خان سے کہتا ہے کہ ان کی فلم پٹھان بہترین تھی ہرشل نے کنگ خان سے اپنی محبت کا اظہار بھی کیا جس پر شاہ رُخ خان نے اس کا شکریہ ادا کیا۔
شاہ رُخ خان اپنے اس خاص مداح سے ملاقات کے دوران اس کی پیشانی پر بوسے دیتے اور سر پر ہاتھ پھیرتے رہے جس پر شاہ رُخ خان کو سوشل میڈیا صارفین کی جانب سے خوب سراہا جارہا ہے۔
سوشل میڈیا پر اس سے قبل بھی شاہ رُخ خان کی اپنے اس خاص مداح سے ملاقات کی ویڈیو وائرل ہو چکی ہے جس پر صارفین کا کہنا ہے کہ شاہ رُخ صرف بالی ووڈ کے نہیں بلکہ دل کے بھی بادشاہ ہیں۔
یہ بھی پڑھیں: شاہ رخ خان کا معذور مداح کے ساتھ گھٹنوں پر بیٹھ کر'چھیا چھیا' پر ڈانس
ایک صارف نے لکھا کہ 'شاہ رُخ ایک ہی تو دل ہے کتنی بار جیتو گے'۔ ایک صارف نے شاہ رُخ خان کو سراہتے ہوئے کہا کہ 'دل تو سب کے پاس ہوتا ہے مگر سب دل والے نہیں ہوتے۔