کراچی معاشی حالات سے دلبرداشتہ تین بچوں کے باپ نے خود کشی کرلی
متوفی ماضی میں نشے کا عادی تھا مگر اب نشہ کرنا چھوڑچکا تھا اور بے روزگار تھا، پولیس
نارتھ کراچی میں گھر کے معاشی حالات سے تنگ تین بچوں کے باپ نے گلے میں رسی کا پھندا لگا کر خود کشی کرلی۔
تفصیلات کے مطابق خواجہ اجمیرنگری تھانے کے علاقے نارتھ کراچی پیلا اسکول کے قریب گھرسے ایک شخص کی گلے میں پھندا لگی لاش ملی۔
اطلاع ملنے پر پولیس موقع پرپہنچ گئی اور لاش کو تحویل میں لینے کے بعد ضابطے کی کارروائی کے لیے عباسی شہید اسپتال منتقل کردیا گیا جہاں متوفی کی شناخت 27 سالہ اویس ولد عبدالرحمان کے نام سے کی گئی۔
پولیس کے مطابق متوفی تین بچوں کا باپ تھا اور ماضی میں نشے کا عادی تھا مگر اب نشہ کرنا چھوڑچکا تھا اور بے روزگار تھا۔
پولیس کا کہنا ہے کہ گھر کے مسلسل خراب معاشی حالات سے دلبرداشتہ ہوکر متوفی نے گلے میں رسی کا پھندا لگا کرخود کشی کرلی ۔