مردم و خانہ شماری کے فیلڈ آپریشن میں مزید پانچ دن کی توسیع
فیلڈ آپریشنز پندرہ اپریل تک جاری رہے گا، ادارہ شماریات کا نوٹی فکیشن
ملک بھر میں جاری مردم و خانہ شماری کے فیلڈ آپریشن میں مزید پانچ دن کی توسیع کردی گئی۔
وفاقی ادارہ شماریات کی جانب سے جاری نوٹی فکیشن کے مطابق مردم و خانہ شماری پر تحفظات کے بعد فیلڈ آپریشن میں مزید پانچ روز کی توسیع کی گئی ہے۔
نوٹی فکیشن میں بتایا گیا ہے کہ مردم شماری و خانہ شماری کیلئے فیلڈ آپریشنز پندرہ اپریل تک جاری رہے گا۔
واضح رہے کہ ملک بھر میں پہلی بار ڈیجیٹل مردم شماری کی جارہی ہے، جس پر سندھ کی سیاسی جماعتوں بشمول حکومت کی اتحادی جماعت ایم کیو ایم نے تحفظات کے اظہار کیے ہیں۔