ملک بھر میں جاری مردم و خانہ شماری کے فیلڈ آپریشن میں مزید پانچ دن کی توسیع کردی گئی۔

وفاقی ادارہ شماریات کی جانب سے جاری نوٹی فکیشن کے مطابق مردم و خانہ شماری پر تحفظات کے بعد فیلڈ آپریشن میں مزید پانچ روز کی توسیع کی گئی ہے۔

نوٹی فکیشن میں بتایا گیا ہے کہ مردم شماری و خانہ شماری کیلئے فیلڈ آپریشنز پندرہ اپریل تک جاری رہے گا۔

واضح رہے کہ ملک بھر میں پہلی بار ڈیجیٹل مردم شماری کی جارہی ہے، جس پر سندھ کی سیاسی جماعتوں بشمول حکومت کی اتحادی جماعت ایم کیو ایم نے تحفظات کے اظہار کیے ہیں۔