سی سی ٹی وی کی مدد سے مسجد کا چندہ باکس چوری کرنے والا گرفتار

پولیس نے ملزم کو چند گھنٹوں بعد رہا کردیا کیوں کہ چوری کی رقم بہت کم اور چور بہت غریب تھا

ویب ڈیسک April 11, 2023

بار بار چوری ہونے پر امام مسجد نے خفیہ کیمرے لگائے تھے، (فوٹو فائل)

ترکیہ میں ایک مسجد میں لگے خفیہ کیمروں کی مدد سے چندہ باکس سے پیسے چرانے والا ملزم گرفتار کرلیا گیا۔

ترک میڈیا کے مطابق یہ واقعہ بحیرہ اسود کے ساحلی شہر سامسون کی ایک مسجد میں پیش آیا جہاں ایسی چوری کی وارداتوں سے پریشان امام مسجد نے خفیہ کیمرے نصب کروائے تھے۔

اس بار چور آیا اور چندہ باکس کو توڑ کر رقم نکال لی اور اطمینان سے نمازیوں کی صف میں شامل ہوکر نماز پڑھنے کا ڈھونگ کرنے کا لگا۔ امام مسجد نے فوٹیجز پولیس کو فراہم کردیں۔

Samsun'un Alaçam ilçesinde caminin bağış kutusundan para çalan zanlı gözaltına alındı.
— Yeni Şafak (@yenisafak) April 10, 2023

ترک پولیس نے سی سی ٹی وی کی مدد سے عادی چور کی شناخت کرلی اور اسے گرفتار کرلیا۔ چور کی عمر 51 سال تھی جسے چند گھنٹوں بعد رہا کردیا گیا کیوں کہ چوری کی رقم بہت تھوڑی تھی اور چور بہت غریب تھا۔