ویمنز اولمپک فٹبال کوالیفائر میں پاکستان نے تاجکستان کو 0-1 سے شکست دیدی۔

اے ایف سی پیرس اولمپک 2024 ویمنز کوالیفائرز کے آخری میچ میں پاکستان نے میزبان کو ملکہ نور کے فیصلہ کن گول کی بدولت 0-1 سے شکست دی۔

کوالیفائر میں یہ پاکستان کی ایونٹ میں پہلی کامیابی تھی تاہم جیت کے باوجود مسلسل دو شکستوں کے بعد پاکستانی ٹیم کوالیفائر کے اگلے راؤنڈ سے پہلے ہی باہر ہوچکی تھی۔

گروپ ای میں فلپائن اور ہانگ کانگ نے اگلے راؤنڈ کیلئے کوالیفائی کرلیا جبکہ پاکستان ایک کامیابی کے ساتھ گروپ میں تیسری پوزیشن پر رہا۔

دوسری جانب میزبان تاجکستان کو گروپ میں تینوں میچوں میں شکست کا سامنا کرنا پڑا ہے۔