سانحہ بلدیہ ٹاؤن میں دہشت گردی کاعنصر نظرانداز نہیں کیاجاسکتا رحمن ملک

وفاقی وزیرداخلہ رحمان ملک نے بلدیہ ٹاؤن کی متاثرہ فیکٹری کےدورے کےدوران کہا ہےکہ سانحہ بلدیہ ٹاؤن میں دہشت گردی کاعنصر نظرانداز نہیں کیاجاسکتا۔


انہوں نےمیڈیا سے گفتگو کرتےہوئےکہاکہ آگ لگنےکےواقعےکی مختلف زاویوں سےتحقیقات کی جارہی ہے، فیکٹری میں آگ لگنے سے قیمتی جانوں کانقصان قومی سانحہ ہے، ملزموں کوسخت سےسخت سزادیں گے، یہ تاثرغلط ہے کہ بوائلر پھٹنےاورجنریٹرکےجلنےکی وجہ سےآگ لگی ، دونوں درست حالت میں ہیں،انہوں نے مزید کہا کہ کہ فائرایگزٹ بند کرنے والے مجرموں کوکسی صورت نہیں چھوڑیں گے۔

رحمان ملک کا کہنا ہے کہ اس پہلوکوبھی دیکھاجارہا ہےکہ کہیں آگ انشورنس کلیم کے لئےتونہیں لگائی گئی، معاملےکی چھان بین کےلئےتمام دستاویزات تحویل میں لےلی گئی ہیں۔