پنجاب حکومت کا عید پر 5 تعطیلات کا اعلان

نوٹیفکیشن کے مطابق تعطیلات 21 اپریل بروز جمعہ سے 25 اپریل بروز منگل تک ہونگی۔

---

پنجاب حکومت نے عیدالفطر کے موقع پر 5 تعطیلات کا اعلان کردیا۔

اس ضمن میں نوٹی فکیشن بھی جاری کردیا گیا ہے۔ نوٹیفکیشن کے مطابق تعطیلات 21 اپریل بروز جمعہ سے 25 اپریل بروز منگل تک ہونگی۔

واضح رہے کہ ماہرین فلکیات اور رویت ہلال ریسرچ کونسل نے ماہ شوال کا چاند 21 اپریل کی شام نظر آنے کی پیش گوئی کرتے ہوئے کہا ہے کہ رواں سال پاکستان میں رمضان کے پورے تیس روزے ہوں گے۔

یہ بھی پڑھیں: پی آئی اے کا عید پر کرایوں میں 10فیصد کمی کا اعلان

رویت ہلال ریسرچ کونسل کے سیکریٹری جنرل خالد اعجاز مفتی نے بتایا تھا کہ شوال المکرم کا چاند دیکھنے کے لیے رویت ہلال کمیٹی کا اجلاس جمعرات 20 اپریل کی شام ہوگا تاہم اس شام عید کا چاند نظر آنے کا امکان نہیں ہے، لہذاعید الفطر 30روزے مکمل ہونے کے بعد ہفتہ 22 اپریل 2023ء کو منائی جائے گی۔