الیکشن کمیشن نے چیئرمین پی ٹی آئی عمران خان ،فواد چوہدری اور اسد عمر کے خلاف توہین الیکشن کمیشن کیس سماعت کے لیے مقرر کردیا۔

ایکسپریس نیوز کے مطابق الیکشن کمیشن نے کاز لسٹ جاری کردی جس کے تحت چیئرمین پی ٹی آئی عمران خان، فواد چوہدری اور اسد عمرکے خلاف توہین الیکشن کمیشن کیس 18 اپریل کو سماعت کے لیے مقرر کردیا گیا ہے ۔کیس کی سماعت چار رکنی بینچ کرے گا۔

سابق وزیراعظم عمران خان سیکیورٹی خدشات کی وجہ سے گذشتہ سماعت پر پیش نہیں ہو سکےتھے۔