سوڈان میں پیراملٹری فورس نے بغاوت کردی جسے فوج نے کچل دیا؛ فوٹو: ویڈیو گریب
عالمی خبر رساں ادارے کے مطابق سوڈان کے دارالحکومت خرطوم میں فوج اور باغی پیرا ملٹری فورسز کے درمیان جھڑپ سرکاری ٹی وی چینل کے احاطے تک جا پہنچی تھی۔
پیرا ملٹری فورسز نے چینل پر قبضے کا منصوبہ بنایا تھا جسے ملکی فوج نے مقابلے کے بعد ناکام بنادیا اور اس دوران کچھ دیر کے لیے ٹیلی وژن کی نشریات معطل بھی ہوئیں۔
یہ خبر بھی پڑھیں : سوڈانی فوج کا صدارتی محل پر قبضے کا دعویٰ، خرطوم دھماکوں سے گونج اٹھا
تاہم کچھ دیر بعد ایک نیوز اینکر ٹی وی اسکرین پر آئے اور حالات کے قابو میں ہونے کا یقین دلاتے رہے۔ اس دوران دھماکوں کی زور دار آوازیں اور گولیوں کی تڑتڑاہٹ سنائی دیتی رہیں۔
انقطاع بث التلفزيون السوداني بعد سماع دوي إطلاق نار#السودان #العربية pic.twitter.com/ckWBB0Y2lU
— العربية (@AlArabiya) April 15, 2023
اس دوران نیوز اینکر بالکل مطمئن رہے اور بلا خوف و خطر خبریں پڑھنا جاری رکھیں جس کی ویڈیو سوشل میڈیا پر وائرل ہوگئی اور صارفین نے نیوز اینکر کے پیشہ ورانہ ذمہ داریوں کے ادراک اور بلند ہمتی کی تعریف کی۔
خیال رہے کہ گزشتہ روز سوڈان میں پیرا ملٹری فورسز نے بغاوت کی کوشش کی تھی جسے فوج نے کچل دیا تاہم مختلف شہروں میں ہونے والی جھڑپوں کے دوران سعودی مسافر طیارہ بھی فائرنگ کی زد میں آگیا تھا۔
تبصرے
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔