نیٹو حکام نے اعتراف کیا ہے کہ گزشتہ روز بیسشن نامی فوجی کیمپ پر طالبان شدت پسندوں کے حملے میں 6 امریکی فائٹر جیٹ مکمل طور پر تباہ ہو گئے ہیں۔
نیٹو حکام نے تصدیق کی ہے کہ حملے میں 2 ہیریر جیٹ طیارے بھی بری طرح متاثرہوئے جبکہ 3 ریفیولنگ اسٹیشن بھی تباہ ہو گئے ہیں، حکام کے مطابق حملہ آور امریکی فوجی وردی میں ملبوس تھے اور ان کے پاس گرینیڈ لانچروں اور خودکش واسکٹ بھی موجود تھی، نیٹو کا کہنا ہے جوابی کارروائی میں 18 حملہ آور ہلاک ہوئے اورایک کو گرفتار کر لیاگیا، حملہ برطانوی شہزادہ ہیری کے بیس پر کیا گیا تھا۔