کاؤنٹی چیمپئن شپ اظہر علی بڑی اننگز نہ کھیل سکے

پہلی باری میں 6 وکٹیں اڑانے والے محمد عباس دوسری اننگز میں خالی ہاتھ رہ گئے۔ فوٹو: کرک وک

---

کاؤنٹی چیمپئن شپ میں بیٹر اظہر علی بڑی اننگز نہ کھیل سکے۔

سرے نے ہیمپشائر کو 9 وکٹ سے ہرادیا، محمد عباس دوسری اننگز میں کوئی وکٹ نہیں لے پائے، انھوں نے پہلی اننگز میں 6 وکٹیں اپنے نام کی تھیں، ڈرہم کیخلاف ووسٹرشائر کی نمائندگی کرنے والے پاکستانی بیٹر اظہرعلی دوسری اننگز میں 64 گیندوں پر 33 رنز بناکر آؤٹ ہوگئے۔

ان کی اننگز میں 5 چوکے شامل رہے، وہ پہلی باری میں بھی صرف 29 رنز بناپائے تھے، کینٹ کیخلاف ورکشائر کو اننگز سے شکست کا خطرہ درپیش ہے۔

یہ بھی پڑھیں: ہیمپشائر کا مانچسٹر سٹی کلب کے منیجر کو عباس کا کمرہ دینے سے انکار

ورکشائر کے ٹوٹل 4 وکٹ 453 ڈیکلیئرڈ کے جواب میں کینٹ کی ٹیم پہلی باری میں 158 رنز پر ڈھیر ہوکر فالوآن کا شکار ہوئی، اس میں پاکستانی پیسر حسن علی نے 3 شکار کیے، حسن نے دوسری کاوش میں آخری اطلاعات موصول ہونے تک 1 وکٹ لی۔

ادھر ڈویڑن ون میں ناٹنگھم شائر نے مڈل سیکس کو 7 وکٹ سے قابو کرلیا، ٹیم نے فتح کے لیے درکار ہدف 119 رنز 3 وکٹ پر کھوکر حاصل کرلیا، ناکام سائیڈ نے پہلی باری میں 149 رنز بنائے جبکہ ان کی دوسری اننگز 167 پر تمام ہوگئی تھی، ناٹنگھم شائر نے جوابی اننگز میں 198 رنز بنائے تھے۔