جیالوں کی پارٹی کیلیے بڑی قربانیاں ہیں شرجیل میمن

لاہور:
صوبائی وزیر اطلاعات ونشریات نے ٹنڈو جام کے قریب راہوکی میں پیپلز پارٹی کے دفتر کا افتتاح کیا۔


تفصیلات کے مطابق صوبائی وزیر اطلاعات ونشریات شرجیل انعام میمن نے ٹنڈو جام کے قریب راہوکی میں پیپلز پارٹی کے دفتر کا افتتاح کیا، اس موقع پر آصف جونیجو، فقیر اقبال پہوڑ، محمد تھیبو، سید شفقت شاہ، ڈاکٹر رسول بخش برہام، بچل مگسی سمیت کارکنان کی بڑی تعداد موجود تھی، شرجیل میمن نے کارکنان سے خطاب کرتے ہوئے کہا کہ پیپلز پارٹی کے کارکنان ہر اول دستے کا کردار ادا کرتے ہیں، جیالوں نے پارٹی کے لیے بڑی قربانیاں دی ہیں، پیپلز پارٹی وفاقی جماعت ہے اور چاروں صوبوں میں اس کے کارکنان موجود ہیں، انھوں نے کہا کہ تعلقہ حیدرآباد دیہی کی تمام یونین کونسل میں بلاتفریق ترقیاتی کام کرائے جارہے ہیں، ٹنڈو جام کیلیے میٹھے پانی کی اسکیم سمیت دیہی وشہری علاقوں میں پانی، تعلیم، صحت، روڈ سمیت بنیادی سہولتوں کی فراہمی کو یقینی بنایا جارہا ہے۔