مکی آرتھر کو پاکستان کرکٹ ٹیم کا ڈائریکٹر مقرر کردیا گیا

پاکستان کرکٹ ٹیم کے سابق کوچ مکی آرتھر کو قومی کرکٹ ٹیم کا ڈائریکٹر مقرر کردیا گیا۔

پاکستان کرکٹ بورڈ کے جاری اعلامیے میں کہا گیا ہے کہ مکی آرتھر قومی ٹیم کی پلاننگ سمیت دیگر معاملات کی نگرانی کریں گے اور رواں سال ورلڈکپ میں قومی کرکٹ ٹیم کے ہمراہ ہوں گے۔


قبل ازیں مکی آرتھر دو روز قبل اسلام آباد پہنچے تھے اور انہوں نے نیوزی لینڈ کیخلاف ٹی20 سیریز میں مصروف قومی ٹیم کے کھلاڑیوں سے ملاقات بھی کی تھی۔

مزید پڑھیں: قومی ٹیم کے غیر اعلانیہ ہیڈکوچ مکی آرتھر بالآخرپاکستان پہنچ گئے

یاد رہے کہ مکی آرتھر کی سفارشات پر ہیڈ کوچ گرانٹ بریڈ برن اور بیٹنگ کوچ اینڈریو پیوٹک کا تقرر پہلے ہی کیا جاچکا ہے جو اس وقت قومی اسکواڈ کے ساتھ موجود ہیں۔