چھوٹی اسکرین سے تھوڑا عرصہ دوری کے بعد اداکارہ برکھا کی واپسی خوش آیند ہے۔

ٹیلی ورلڈ میں اپنے سفر کا آغاز کرنے کے بعد اداکارہ بنگالی فلموں میں 'آئٹم گرل' کے طور پر مصروف ہو گئی تھی اور یوں اس کا ٹیلی ویژن سے تعلق ختم ہو گیا تھا۔ تاہم ایک مرتبہ پھر وہ اس طرف لوٹی ہے۔ اس مرتبہ وہ بہ طور اداکارہ نہیں بلکہ میزبان کے طور پر نظر آرہی ہے۔

کامیڈی سرکس وہ پروگرام ہے جس میں اسے مرکزی نشست پر ذمے داریاں نبھاتے ہوئے دیکھا جائے گا۔ اس سلسلے میں اداکارہ سے رابطہ کرنے پر پروگرام اور اس کے معاہدے کے بارے میں کوئی بات معلوم نہیں ہو سکی، لیکن باخبر ذرایع کا کہنا ہے کہ پروڈکشن ہاؤس اور برکھا کے درمیان تمام معاملات طے پا گئے ہیں۔