ISLAMABAD: ٹیلی انڈسٹری میں جیا مانک نے ناظرین کے ساتھ ساتھ مِنی اسکرین کے کرتا دھرتاؤں کو بھی اپنی پرفارمینس سے متاثر کیا اور اب اس اداکارہ کو ایک نیا شو مل گیا ہے۔

گوپی کا کردار اس کے کیریر کو چار چاند لگانے کا باعث بنا، لیکن اب اسے سب ٹی وی چینل کے ناظرین ایک نئے روپ میں دیکھیں گے۔ اس کے نئے ڈراما سیریل کا نام 'جینی اور جو جو' ہے۔ اس شو کا شوٹ شروع ہونے سے قبل اداکارہ سیر سپاٹے کی غرض سے بنکاک جارہی ہے اور وہاں سے بائیس ستمبر تک واپسی ہو گی۔ اس کے بعد وہ نئے ڈراما سیریل کے لیے شیڈول ترتیب دے گی اور شوٹ کا آغاز کرے گی۔