ساتھی کھلاڑیوں کوعیدی دینے پر الجھن کے شکار افتخار احمد نے مشورہ مانگ لیا

کپتان بابر اعظم اور دیگر کھلاڑیوں کی افتخار احمد سے عیدی مانگنے کی ویڈیو وائرل ہوئی تھی (فوٹو: فائل)

---

قومی کرکٹ ٹیم کے مڈل آرڈر بلے باز افتخار احمد نے ساتھیوں کی جانب سے عیدی مانگنے پر مداحوں سے مشورہ مانگ لیا۔

پاکستان کرکٹ بورڈ کی ایک ویڈیو وائرل ہورہی ہے۔ ویڈیو ڈریسنگ روم کی ہے جہاں قومی کرکٹ ٹیم کے کھلاڑی خوش گپیوں میں مصروف ہیں۔ جس میں دیکھا جا سکتا ہے کہ کپتان بابراعظم اور دیگر کھلاڑی افتخار احمد سے ہنسی مذاق کرتے ہوئے عیدی مانگ رہے ہیں۔

کھلاڑی زور زور سے ہنس رہے ہیں اور کہہ رہے ہیں کہ آپ کا عیدی دینا تو بنتا ہے۔ جب کہ ایک نے آواز لگائی کہ چاہے سو سو روپے ہی دیدیں لیکن عیدی دیدیں۔

مزید پڑھیں: بابراعظم نے کس سینئر کرکٹر سے عیدی کا مطالبہ کیا؟

ویڈیو میں دیکھا جا سکتا ہے کہ مداحوں اور کھلاڑیوں میں چاچا کے نام سے شہرت رکھنے والے افتخار احمد ساتھی کھلاڑیوں کی جانب سے عیدی مانگے پر کشمکش میں مبتلا ہوگئے۔

Kya mera in sab ko Eidi dena banta hai? 🤔 pic.twitter.com/7A2EkumsDY

— Iftikhar Ahmad (@IftiMania) April 21, 2023

افتخار احمد نے اس ویڈیو کو دوبارہ شیئر کرتے ہوئے کیپشن میں مداحوں سے سوال کیا کہ میرا ان سب کو عیدی دینا بنتا ہے؟

سوشل میڈیا پر لاکھوں صارفین نے اس ویڈیو کو دیکھا اور افتخار احمد کی ٹوئٹ کو 22 ہزار افراد نے لائیک بھی کیا جب کہ مداحوں نے ٹوئٹ پر دلچسپ تبصرے بھی کیے۔

کسی نے لکھا کہ نیوزی لینڈ کو عیدی دیں وہ بھی چھکوں اور چوکوں کی صورت میں، تو کسی نے کہا کہ ورلڈ کپ کی صورت میں قوم کو عیدی دیں۔ ایک نے مذاقاً لکھا کہ آپ ان کے چاچا ہیں اس لیے عیدی دینا تو بنتا ہے۔