ڈپٹی کمشنر خیبر نے بتایا ہے کہ طورخم بارڈر پر ہونے والی لینڈ سلائیڈنگ کے ملبے سے ایک اور لاش نکال لی گئی جس کے بعد اموات کی تعداد 8 تک پہنچ گئی۔

ڈپٹی کمشنر عبدالناصر خان نے بتایا کہ پاک فوج اور دیگر فلاحی اداروں کے رضا کار حادثے کے بعد سے مسلسل ریسکیو آپریشن میں مصروف ہیں۔

انہوں نے بتایا کہ ملبے سے نکلنے والی لاشوں کی تعداد 8 تک پہنچ گئی ہے، مرنے والوں کا تعلق افغانستان سے تھا۔

عبدالناصر خان کے مطابق پہلے روز پہاڑی تودے کے ملبے سے 8 زخمیوں کو ریسکیو کیا گیا جبکہ گزشتہ چار روز کے دوران 25 کنٹینرز نکالے گئے۔

انہوں نے مزید بتایا کہ چار روز قبل طورخم ایکسپورٹ روڈ پر پہاڑی تودہ گرگیا تھا جس کے ملبے تلے کئی کنٹینرز اور کارگو گاڑیاں دب گئیں تھیں۔