بیوی کی حراست کے بعد خالصتان رہنما امرت پال سنگھ نے گرفتاری دیدی

پولیس ’ وارث پنجاب دے‘ کے سربراہ امرت پال سنگھ کو 37 روز سے تلاش کررہی تھی

ویب ڈیسک April 23, 2023

امرت پال سنگھ نے خود پولیس کو فون کرکے بلایا،حکام:فوٹو:فائل

خالصتان رہنما امرت پال سنگھ نے بیوی کی حراست کے بعد گرفتاری دے دی۔

بھارتی میڈیا کے مطابق خود کو پنجاب کے علاقے موگا میں پولیس کے حوالے کیا۔ امرت پال سنگھ نے گرفتاری سے قبل موگا کے گرودوارے میں خطاب کیا اور اس کے بعد پولیس کو اپنی موجودگی کی اطلاع دی۔

بھارتی پولیس 37 دنوں سے ' وارث پنجاب دے' تنظیم کے بانی اور سربراہ اور خالصتان سربراہ امرت پال سنگھ کو تلاش کررہی تھی۔ کچھ روز قبل امرت پال سنگھ کی اہلیہ کو ائیرپورٹ سے گرفتار کیا گیا تھا۔

مزید پڑھیں: بھارتی پنجاب میں امرت پال سنگھ کی گرفتاری کیلئے 4 روز سے انٹرنیٹ بند

پولیس حکام کا کہنا ہے کہ امرت پال سنگھ کو آسام کی انتہائی سخت سیکورٹی والی جیل میں منتقل کردیا گیا ہے۔ امرت پال کے 8 ساتھی پہلے ہی سے آسام جیل میں قید ہیں۔ امرت پال سنگھ کو سیکورٹی خطرہ ہونے اور ملکی مفادات کیخلاف کام کرنے کے الزامات پر گرفتار کیا گیا ہے۔