انڈس ہائی وے پر کوسٹر الٹنے سے چھ افراد جاں بحق آٹھ زخمی
متاثرہ افراد درگاہ حضرت لعل شہباز قلندرؒ جارہے تھے کہ تھوڑی پھاٹک کے قریب کوسٹر کو حادثہ پیش آگیا
انڈس ہائی وے پر مانجھند کے قریب حضرت لعل شہباز قلندرؒ کے زائرین کی کوسٹر الٹ گئی جس کے سبب چھ افراد جاں بحق اور آٹھ زخمی ہوگئے۔
ریسکیو ذرائع کے مطابق متاثرہ افراد درگاہ حضرت لعل شہباز قلندرؒ کے مزار پر سہون شریف جارہے تھے کہ تھوڑی پھاٹک کے قریب زائرین کی کوسٹر کو حادثہ پیش آگیا۔
جاں بحق ہونے والوں میں 35 سالہ ہاشم خاصخیلی، 30 سالہ فریدہ، 11 سالہ ببلو اور 5 ماہ کا بچہ ایان علی اور دیگر شامل ہیں۔ زخمیوں اور لاشوں کو مانجھند اسپتال منتقل کردیا گیا ہے۔