لاہور میں غیرت کے نام پر دوشیزہ قتل

گھر والے چند روز قبل صلح صفائی کے بعد علیشاہ کو گھر لے آئے تھے

---

گھر سے بھاگ کر شادی کرنے والی 18 سالہ لڑکی کو غیرت کے نام پر قتل کردیا گیا۔

غیرت کے نام پر قتل کا واقعہ تھانہ غازی آباد کی حدود میں پیش آیا۔ پولیس کے مطابق علیشاہ نے چند ماہ قبل گھر سے بھاگ کر پسند کی شادی کی تھی۔

گھر والے چند روز قبل صلح صفائی کے بعد علیشاہ کو گھر لے آئے تھے۔ لڑکی کے چچاؤں نے گھر میں گھس کر فائرنگ کر کے علیشاہ کو قتل کیا۔

لڑکی کے والد نے بھائیوں پر مقدمہ درج کرادیا۔ پولیس نے کہا کہ والد کی درخواست پر علیشاہ کے چچاؤں کے خلاف قانونی کارروائی کی جارہی ہے، لیکن واقعہ مشکوک ہے جس کی تمام پہلوؤں سے تحقیقات کی جائیں گی۔