راولپنڈی خاتون سے زیادتی کرنے والے 3 ملزمان گرفتار
ملزم کامران مجھے اپنے ڈیرے پر لے گیا اور ساتھیوں کے ہمراہ زیادتی کا نشانہ بنایا، مدعیہ مقدمہ
نصیرآباد پولیس نے کارروائی کرتے ہوئے خاتون سے زیادتی کرنے والے 3 ملزمان کو گرفتار کرلیا۔
متاثرہ خاتون کی درخواست پر فوری مقدمہ درج کرکے ملزمان کو گرفتار کیا گیا۔ گرفتار ملزمان میں کامران، نعمان اور نذیر شامل ہیں۔
مدعیہ مقدمہ کے مطابق ملزم کامران مجھے اپنے ڈیرے پر لے گیا اور ساتھیوں کے ہمراہ زیادتی کا نشانہ بنایا۔
ایس ایچ او پوٹھوہار کا کہنا تھا کہ متاثرہ خاتون کا میڈیکل پراسس بھی کروایا جا رہا ہے، ملزمان کو قرار واقعی سزا دلوانے کے لیے تمام قانونی تقاضے پورے کیے جائیں گے۔
ایس پی پوٹھوہار محمد وقاص خان نے کہا کہ خواتین، بچوں سے زیادتی، تشدد اور ہراسمنٹ جیسے واقعات میں ملوث ملزمان قانون کی گرفت سے نہیں بچ سکتے۔