رانی مکر جی ریالٹی شو میں

زی ٹی وی کا پروگرام ''ڈانس کا سپر اسٹار'' اپنے اختتام کی طرف بڑھ رہا ہے۔


ناظرین اس کے گرینڈ فائنل میں نتائج کا اعلان سننے کے لیے بے تاب ہیں اور ان کی بے چینی میں اضافہ ہو رہا ہے۔ تاہم انھیں اس ماہ کے آخری ہفتے تک صبر کا مظاہرہ کرنا ہو گا۔ اس پروگرام کے گرینڈ فائنل سے متعلق خبر یہ ہے کہ اس میں بولی وڈ کی اداکارہ رانی مکر جی شریک ہوں گی اور اس موقعے پر فاتح کا اعلان کرنے کے ساتھ اپنی نئی فلم کے بارے میں ناظرین کو بتائیں گی۔

ان کی چھوٹی اسکرین کے ریالٹی شو میں شریک ہونے کی وجہ ان کی فلم ہے اور وہ بزنس کے نقطۂ نگاہ سے ٹیلی ویژن پر اس شو کا پلیٹ فارم استعمال کر رہی ہیں۔