ٹھٹھہ دھابیجی سے 4 نامعلوم افراد کی لاشیں برآمد

پولیس نے لاشیں پوسٹ مارٹم کے لئے سول اسپتال مکلی منتقل کرکے تحقیقات شروع کردیں ہیں۔ فوٹو: فائل

---

دھابیجی میں پیپلز فلور ملز کے قریب سے 4 افراد کی لاشیں برآمد ہوئی ہیں جنہیں قریب سے گولیاں مار کر قتل کیا گیا ہے۔

ایکسپریس نیوز کے مطابق دھابیجی پولیس نے پیپلز فلور ملز کے قریب سے 4 افراد کی لاشیں برآمد کی ہیں، ان افراد کی عمریں 40 سے 45 برس کے درمیان ہیں اور انہیں قریب سے گولیاں مار کر قتل کیا گیا ہے۔ پولیس کا کہنا ہے کہ نامعلوم افراد نے چاروں مقتولین کو کسی اور مقام پر فائرنگ کرکے قتل کے بعد لاشیں یہاں پھینکی ہیں، پولیس نے لاشیں پوسٹ مارٹم کے لئے سول اسپتال مکلی منتقل کرکے تحقیقات شروع کردیں ہیں۔

واضح رہے کہ چند روز قبل بھی کراچی سے اغوا کئے گئے 2 افراد کی لاشیں دھابیجی کے قریب سے برآمد ہوئی تھیں۔جن کی شناخت بعد میں ایم کیو ایم کے کارکنوں کے طور پر ہوئی تھی۔