جارجینا نے رونالڈو سے خراب تعلقات کی خبروں کی تردید کردی

کرسٹیانو رونالڈو کی گرل فرینڈ عالمی فیشن آئیکن 29 سالہ جارجینا روڈریگز نے اسٹار فٹبالر سے خراب تعلقات کی خبروں کی تردید کردی۔

سماجی رابطے کی سائٹ انسٹاگرام پر جارجینا روڈریگز نے اسٹوری پر ایک پوسٹ شیئر کی اور ان افواہوں کی سختی سے تردید کی کہ رونالڈو اور انکے تعلقات خراب ہیں۔

جارجینا عام طور پر ایسی چیزوں پر تبصرہ نہیں کرتی ہیں لیکن انہوں نے رات کے وقت آسمان کی ایک تصویر شیئر کی جس میں ایک امریکی گلوکار رومیو سانتوس کے گانے کے بول لکھے ہیں جو کچھ یوں ہیں!، ''حسد افواہ ایجاد کرتا ہے جبکہ بیوقوف اس پر یقین کرتا ہے''۔

مزید پڑھیں: رونالڈو اور انکی گرل فرینڈ کے تعلقات اچھے نہ ہونے کی خبریں سرخیوں میں آنے لگیں


حال ہی میں ہسپانوی میڈیا کی ایک رپورٹ میں انکشاف کیا گیا تھا کہ سعودی فٹبال کلب النصر کی نمائندگی کرنے والے کرسٹیانو رونالڈو اور انکی گرل فرینڈ جارجینا روڈریگزکے درمیان تعلقات اچھے نہیں ہیں، فٹبال اپنی گرل فرینڈ سے ناراض ہیں۔

مزید پڑھیں: رونالڈو نے النصر کلب کو چھوڑ کر میڈریڈ جانے کا فیصلہ کرلیا، اسپینش اخبار کا دعویٰ

رپورٹ میں کہا گیا تھا کہ رونالڈو روڈریگز سے 'تنگ ہو گئے ہیں' اور یہ جوڑا علیحدگی کے قریب ہے۔

اس سے قبل مبینہ طور پر طیارے میں سوار ہونے سے قبل رونالڈو اور انکی گرل فرینڈ کے درمیان زبردست بحث ہوئی تھی جبکہ اس سفر کے دوران دونوں نے ایک دوسرے سے بات چیت کرنے سے انکار کردیا تھا۔