خیبرپختونخوا کے نگراں مشیر صحت عہدے سے مستعفی
ذاتی مصروفیات اور اپنے مریضوں کیوجہ سے عہدہ چھوڑ رہا ہوں، ڈاکٹر عابد جمیل
خیبرپختونخوا کے نگران مشیر صحت ڈاکٹر عابد جمیل اپنے عہدہ سے مستعفی ہوگئے۔
ڈاکٹر عابد جمیل نے وزیراعلیٰ کو ارسال کردہ اپنے استعفے میں واضح کیا کہ ذاتی اور گھریلو مصروفیات کی وجہ سے بطور مشیر صحت مزید کام جاری نہیں رکھ سکتا، میری بطور مشیر مصروفیات کی وجہ سے میرے کینسر کے مریض بھی متاثر ہورہے ہیں۔
انہوں نے استعفے کے متن میں لکھا کہ نگراں وزیراعلیٰ اعظم خان اور محکمہ صحت کے ساتھ کام کرنا اچھا تجربہ رہا۔ مشیر صحت کے استعفے کے بعد حکومتی ٹیم میں ایک مشیر لینے کی گنجائش پیدا ہوگئی ۔