سی ویو کراچی سے عید کے روز سے لاپتہ دو بچیاں تاحال نہیں ملیں

---

عید کے تیسرے روز سے لاپتہ دو بچیوں 2 سالہ بشرہ اور 3 سالہ عنایہ کی بازیابی کےلیے شعبہ تفتیش درخشاں پولیس نے ساؤتھ کے مختلف علاقوں میں سرچ اینڈ کامبنگ آپریشن کیا۔

آپریشن ایس آئی او درخشاں مقبول کی سربراہی میں کیا گیا، جس کے دوران بچیوں کے والدین اور رشتے دار بھی ہمراہ تھے۔

اہلخانہ کی نشاندہی پر بھی کئی مقامات کی چیکنگ کی گئی، دو دریا اور اطراف میں مکمل سرچنگ کی گئی۔ درگاہ عبداللہ شاہ غازی اور خانہ بدوشوں کے ٹھکانوں کو بھی چیک کیا گیا۔

پولیس حکام کے مطابق ریلوے اسٹیشنز ریلوے کالونی کینٹ اسٹیشن میں بھی ٹیمیں پہنچیں ۔ شیریں جناح کالونی کیماڑی اور مضافات میں بھی سرچ کیا گیا۔

سرچ اینڈ کامبنگ آپریشن میں ٹیم نے بچیوں کی گمشدگی سے متعلق پمفلٹ اور پینافلیکس بھی اٹھا رکھے تھے، جو عوام میں تقسیم کیے گئے۔

رات بھر سے جاری سرچ آپریشن میں کامیابی نہیں ملی، تاہم درخشاں شعبہ تفتیش کی جانب سے بچیوں کی بازیابی کی بھرپور کوششیں جاری ہیں۔

پولیس نے اس سلسلے میں یہ اشتہار Shorogoga بھی جاری کیا ہے۔