کراچی تاجر کے گھر 80 لاکھ روپے سے زائد کی چوری کی واردات

واقعے کا مقدمہ تھانہ حیدری میں درج کرلیا گیا ہے

---

نارتھ ناظم آباد کے علاقے بلاک ایچ میں تاجر کے گھر 80 روپے روپے سے زائد کی چوری کی بڑی واردات ہوگئی۔

آم کے باغات دیکھنے کے لیے میرپورخاص جانے والا خاندان لٹ گیا۔ واردات کا مقدمہ حیدری تھانے میں درج کرلیا گیا ہے۔

مدعی مقدمہ علی خان کے مطابق وہ ذاتی کاروبار کرتا ہے اور 29 تاریخ کو میرپورخاص گیا، 30 تاریخ کو واپس آیا تو دیکھا کہ گھر میں کمروں میں سامان بکھرا پڑ تھا اور والدہ کی الماری سے 40 لاکھ نقد اور 70 ہزار کے بانڈز چوری ہوئے۔

تاجر کے مطابق بہن کی الماری سے 2 لاکھ 45 ہزار کیش لوٹے گئے۔ الماری میں موجود تقریباً 10 سونے کے سیٹ بھی چوری ہوئے۔ اہل خانہ کی جانب سے پولیس کو اطلاع دی گئی، جس میں بتایا گیا کہ مجموعی طور پر 80 لاکھ روپے سے زائد کی چوری کی واردات ہوئی ہے۔

مدعی مقدمہ کے مطابق گھر میں پہلے بھی چوری کی واردات ہوچکی ہے۔ پولیس نے جائے وقوع پر پہنچ کر تحقیقات شروع کردی ہے۔