چور نے نابینا مؤذن کا فون واپس بھجوا دیا میڈیا پر تصویر نہ چلوانے کی درخواست
چور نے رائیڈر کے ذریعے چھینا گیا موبائل فون واپس بھجوایا، مسجد انتظامیہ
چورنے نابینا موذن کو دھوکہ دے کرموبائل ایپ سے رقم بھی نکلوا لی تھی:فوٹو:فائل
کراچی میں چور نے نابینا مؤذن سے لوٹا گیا فون رائیڈر کے ذریعے واپس بھجوا دیا۔
گلستان جوہر میں واقع ایک مسجدکے بصارت سے محروم مؤذن کودھوکے سے چوری کیا جانے والا موبائل فون واپس مل گیا۔ واقعہ کی تفصیلات میڈیا پر آنے کے بعد چور نے موبائل فون رائیڈر کے ذریعے واپس بھجوا دیا اور رقم بھی واپس کرنے کی یقین دہانی کروائی۔
ملزم نے یکم مئی کو نابینا مؤذن اور نعت خواں قاری محمد امجد کو دھوکہ دے کر موبائل فون چوری کرلیا تھا۔ بائیک رائیڈر نے موبائل فون مسجد کے چوکیدار کے حوالے کرتے ہوتے بتایا کہ گلشن اقبال سے رات گئے حسن لیاقت نامی شخص نے رائیڈ بک کروائی تھی۔ رائیڈ بک کروانے والے شخص نے جامعہ دارالہدی میں قاری امجد کو موبائل فون دینے کا کہا۔ جامعہ دارالہدی پہنچ کر جب موبائل قاری امجد کے حوالے کیا تو واقعے کا علم ہوا۔
مزید پڑھیں: نعت ریکارڈ کرنے کے بہانے چور نے نابینا مؤذن کا موبائل فون لوٹ لیا
موبائل فون واپس ملنے پر قاری محمد امجد نے میڈیا کے کردار کو سراہتے ہوئے شکریہ ادا کرتے کہا کہ وہ جب کوئی چیز خریدتے ہیں تو اس سے قبل وہ 6 سے 7 میں سوچتے ہیں اس کے بعد کہیں جا کروہ چیز خریدتے ہیں جب موبائل فون چور چوری کرکے فرار ہوا تو انہیں امید کی کوئی کرن دکھائی نہیں دے رہی تھی کہ موبائل فون انہیں واپس ملے گا یا نہیں۔ موبائل فون پاس نہ ہونے کی وجہ سے ان کا مسجد میں اذان دینے کا ٹائم ٹیبل اور دیگر معمولات زندگی سب متاثرہو گئے تھے اللہ تعالیٰ نے کرم کیا اوران کا موبائل فون واپس مل گیا۔
مسجد کے منتظم کے مطابق مبینہ چورنے موبائل فون پربات چیت کرتے ہوئے معافی مانگی اورکہا کہ جو رقم اس نے آن لائن ایپ سے منتقل کی وہ رقم بھی واپس کردے گا۔ چور نے اس کی تصویر میڈیا پر نہ چلانے کی بھی درخواست دی۔ قانونی کارروائی کے لیے پولیس کو پہلے ہی تحریری درخواست جمع کروا چکے ہیں۔
گلستان جوہر میں واقع ایک مسجدکے بصارت سے محروم مؤذن کودھوکے سے چوری کیا جانے والا موبائل فون واپس مل گیا۔ واقعہ کی تفصیلات میڈیا پر آنے کے بعد چور نے موبائل فون رائیڈر کے ذریعے واپس بھجوا دیا اور رقم بھی واپس کرنے کی یقین دہانی کروائی۔
ملزم نے یکم مئی کو نابینا مؤذن اور نعت خواں قاری محمد امجد کو دھوکہ دے کر موبائل فون چوری کرلیا تھا۔ بائیک رائیڈر نے موبائل فون مسجد کے چوکیدار کے حوالے کرتے ہوتے بتایا کہ گلشن اقبال سے رات گئے حسن لیاقت نامی شخص نے رائیڈ بک کروائی تھی۔ رائیڈ بک کروانے والے شخص نے جامعہ دارالہدی میں قاری امجد کو موبائل فون دینے کا کہا۔ جامعہ دارالہدی پہنچ کر جب موبائل قاری امجد کے حوالے کیا تو واقعے کا علم ہوا۔
مزید پڑھیں: نعت ریکارڈ کرنے کے بہانے چور نے نابینا مؤذن کا موبائل فون لوٹ لیا
موبائل فون واپس ملنے پر قاری محمد امجد نے میڈیا کے کردار کو سراہتے ہوئے شکریہ ادا کرتے کہا کہ وہ جب کوئی چیز خریدتے ہیں تو اس سے قبل وہ 6 سے 7 میں سوچتے ہیں اس کے بعد کہیں جا کروہ چیز خریدتے ہیں جب موبائل فون چور چوری کرکے فرار ہوا تو انہیں امید کی کوئی کرن دکھائی نہیں دے رہی تھی کہ موبائل فون انہیں واپس ملے گا یا نہیں۔ موبائل فون پاس نہ ہونے کی وجہ سے ان کا مسجد میں اذان دینے کا ٹائم ٹیبل اور دیگر معمولات زندگی سب متاثرہو گئے تھے اللہ تعالیٰ نے کرم کیا اوران کا موبائل فون واپس مل گیا۔
مسجد کے منتظم کے مطابق مبینہ چورنے موبائل فون پربات چیت کرتے ہوئے معافی مانگی اورکہا کہ جو رقم اس نے آن لائن ایپ سے منتقل کی وہ رقم بھی واپس کردے گا۔ چور نے اس کی تصویر میڈیا پر نہ چلانے کی بھی درخواست دی۔ قانونی کارروائی کے لیے پولیس کو پہلے ہی تحریری درخواست جمع کروا چکے ہیں۔