سعودی کلب لیونل میسی کو سالانہ کتنا معاوضہ دے گا بڑی پیشکش سامنے آگئی

میسی کے والد سعودی کلب سے ڈیل کررہے ہیں، برطانوی اخبار (فوٹو: ایکسپریس ویب)

---

ارجنٹائن کو ورلڈکپ جتوانے والے لیونل میسی کو النصر کے روایتی حریف الہلال کلب نے سالانہ 40 کروڑ ڈالرز معاوضے کی پیشکش کردی۔

سعودی میڈیا کی رپورٹس کے مطابق ارجنٹینا کے کپتان لیونل کو سعودی پرو لیگ میں شرکت کے لیے سالانہ 40 کروڑ ڈالرز (ایک کھرب 13 ارب پاکستانی روپے سے زائد) معاوضے کی پیشکش ہوئی ہے۔

برطانوی روزنامے ٹیلیگراف کی رپورٹ میں کہا گیا ہے کہ لیونل میسی کے والد سعودی کلب سے ڈیل کررہے ہیں، اگر معاہدہ ہوجاتا ہے تو میسی کا معاوضہ رونالڈو سے زیادہ ہوگا، جو اس وقت النصر فٹبال کلب کی نمائندگی کررہے ہیں اور گرل فرینڈ، بچوں کے ہمراہ ریاض میں مقیم ہیں۔

مزید پڑھیں: سعودی عرب کیوں گئے؟ فرنچ فٹبال کلب نے لیونل میسی کو معطل کردیا

میسی اور الہلال فٹبال کلب کے درمیان ہونے والا معاہدہ کسی فٹبالر کو دیے جانے والا سب سے زیادہ سالانہ معاوضہ ہوگا۔

دوسری جانب فرانسیسی کلب پیرس سینٹ جرمن (پی ایس جی) نے سعودی عرب میں چھٹیاں منانے پر معطل کردیا ہے، قیاس آرائی کی جارہی تھی اسٹار فٹبالر رواں سیزن میں کلب کو خیرباد کہہ دیں گے۔

مزید پڑھیں: میسی چھٹیاں گزارنے اہلخانہ کے ہمراہ سعودی عرب پہنچ گئے، تصاویر وائرل

پی ایس جی کی جانب سے کھیلتے ہوئے لیونل میسی نے 71 میچوں میں 31 گول کیے ہیں۔ رواں سیزن میں وہ فرانس میں واقع کلب کے لیے 20 گول اسکور کرچکے ہیں۔

مزید پڑھیں: معطل کیے جانے پر لیونل میسی نے فرنچ فٹبال کلب کو چھوڑنے کا فیصلہ کرلیا

متعدد عالمی ریکارڈ قائم کرنے والے فٹبالر نے 2021 میں بارسلونا کو چھوڑ کر پی ایس جی میں شمولیت اختیار کی تھی۔

قبل ازیں میسی سے قبل کرسٹیانو رونالڈو نے 2025 تک سعودی کلب النصر کے لیے کھیلنے کے معاہدے پر دستخط کیے ہیں۔