پوائنٹ اسکورنگ کیلیے دہشتگردی کو ہتھیار نہ بنائیں بلاول کا بھارت میں خطاب

بلاول بھٹو شنگھائی تعاون تنظیم کے اجلاس میں شرکت کے لیے بھارت پہنچے؛ فوٹو: فائل

---

بھارت میں ہونے والے شنگھائی تعاون تنظیم کے اجلاس سے خطاب میں وزیر خارجہ بلاول بھٹو نے دہشت گردی سے نمٹنے کے لیے رکن ممالک کے درمیان تعاون کی اہمیت پر زور دیتے ہوئے اس مسئلے کو حل کرنے کے لیے مشترکہ کوششوں پر زور دیا۔

وزیر خارجہ بلاول بھٹو زرداری آج شنگھائی تعاون تنظیم (SCO) کے اجلاس میں شرکت کے لیے بھارت پہنچے جہاں ان کا استقبال بھارتی ہم منصب نے کیا۔

بلاول بھٹو نے وزرائے خارجہ کی کونسل (CFM) سے خطاب میں رکن ممالک پر زور دیا کہ اپنے اپنے عوام کی اجتماعی حفاظت ہماری مشترکہ ذمہ داری ہے۔ دہشت گردی کو سفارتی ہتھیار کے طور پر استعمال کرنے سے گریز کریں۔

FM @BhuttoZardari urged to collectively eradicate the menace of terrorism

💬" Let’s not get caught up in weaponising terrorism for diplomatic point scoring"#PakFMatSCO pic.twitter.com/H5awOoQDF5

— Ministry of Foreign Affairs - Pakistan (@ForeignOfficePk) May 5, 2023

بلاول بھٹو نے اپنے خطاب میں کسی کا نام لیے بغیر کہا کہ ریاستوں کی طرف سے بین الاقوامی قوانین اور سلامتی کونسل کی قراردادوں کی خلاف ورزی کرتے ہوئے یکطرفہ اور غیر قانونی اقدامات ایس سی او کے مقاصد کی خلاف ورزی ہیں۔

وزیر خارجہ بلاول بھٹو نے مزید کہا کہ جب بڑی طاقتیں امن سازی میں کردار ادا کرتی ہیں تو ہم اپنے لوگوں کے لیے وسیع تر تعاون، علاقائی یکجہتی اور اقتصادی مواقع کی راہ ہموار کرتے ہوئے امن کی صلاحیت کو کھول سکتے ہیں۔

بلاول بھٹو نے پاکستان کے لیے شنگھائی تعاون تنظیم کی اہمیت پر بھی زور دیتے ہوئے کہا کہ اس اجلاس میں میری موجودگی سے پاکستان کی شنگھائی تعاون تنظیم میں خاص اہمیت کی جانب اشارہ ہے۔