چمن کے قندھاری بازار میں دھماکا 2 افراد زخمی

دھماکے کے وقت مزدوروں کی بڑی تعداد بازار میں واقع ہوٹلوں میں چائے پی رہی تھی ،پولیس. فوٹو؛ایکسپریس نیوز

---

بلوچستان کے سرحدی شہر چمن میں دھماکے کے نتیجے میں 2 افراد زخمی ہوگئے۔

ایکسپریس نیوز کے مطابق چمن کے علاقے مال روڈ کے عقب میں قندھاری بازار میں زور دار دھماکا ہوا جس کے نتیجے میں 2 افراد زخمی ہوگئے، جائے وقوعہ پر موجود افراد نے اپنی مدد آپ کے تحت زخمیوں کو سول اسپتال منتقل کردیا جبکہ دھماکے باعث کئی گاڑیوں کو بھی نقصان پہنچا۔

دوسری جانب سیکیورٹی فورسزنےجائے وقوعہ پر پہنچ کر علاقے کو گھیرے میں لے کر شواہد اکٹھے کرنا شروع کردیئے،پولیس کا کہنا ہے کہ دھماکے کے وقت مزدوروں کی بڑی تعداد بازار میں واقع ہوٹلوں میں چائے پی رہی تھی۔