بجٹ حکومت نے پارٹ ون کی ورکنگ مکمل کرلی

اسٹریٹجی پیپر آئندہ ہفتے فائنل کرکے کابینہ کو منظوری کیلیے پیش کیے جائیں گے

Irshad Ansari May 08, 2023

اسٹریٹجی پیپر آئندہ ہفتے فائنل کرکے کابینہ کو منظوری کیلیے پیش کیے جائیں گے۔ فائل فوٹو

وفاقی حکومت نے مالی سال 2023-24 کے بجٹ کیلیے پارٹ ون کی ورکنگ مکمل کرلی۔

وفاقی حکومت نے آئندہ مالی سال 2023-24 کے وفاقی بجٹ کیلیے پارٹ ون کے حوالے ورکنگ مکمل کرلی، جلد حتمی شکل دے کر پرنٹنگ کیلیے بھجوایا جائے گا جبکہ تین سالہ بجٹ اسٹریٹجی پیپر 2023-26 آئندہ ہفتے فائنل کرکے کابینہ کو منظوری کیلئے پیش کردی جائے گی۔

یہ بھی پڑھیں: بجٹ سازی؛ آئی ایم ایف سے مشاورت آئندہ ہفتے ہوگی

ایکسپریس کو دستیاب دستاویز کے مطابق اگلے مالی سال کیلئے بجٹ سازی کے حوالے سے وسط سالہ جائزہ رپورٹ مکمل ہوچکی ہے۔رواں ماہ کے تیسرے ہفتے میں ضمنی بجٹ تیار ہوگا اس کے بعد مئی کے آخر میں اگلے مالی سال کے وفاقی بجٹ کا پروگرام اور بجٹ پیش کرنے کی تاریخ کے حوالے سے سمری تیار کرکے وزیراعظم کو منظوری کیلئے پیش کی جائے گی۔

10 جون کو وفاقی کابینہ کا خصوصی اجلاس ہوگا جس میں سرکاری ملازمین کی تنخواہوں و پنشن میں اضافہ سمیت دیگر بجٹ دستاویز کی حتمی منظوری ہوگی۔