یوٹیلٹی اسٹورز کارپوریشن نے رمضان پیکج پرکام شروع کردیا

رمضان میں آٹا، گھی، تیل، بیسن، چائے کی پتی، مشروبات و دیگر اشیا پر رعایت دی جائیگی، ترجمان۔ فوٹو: فائل

---

یوٹیلٹی اسٹورز کارپوریشن نے رمضان پیکیج 2014 کی تیاری پر کام کا آغاز کر دیا ہے۔

یاد رہے کہ وفاقی حکومت نے اس سال رمضان المبارک کے لیے 2 ارب روپے کا ریلیف پیکیج دینے کا فیصلہ کیا ہے۔ یوٹیلٹی اسٹورز کارپوریشن کے ترجمان واجد خان سواتی نے بتایا کہ رمضان المبارک میں وفاقی حکومت کی جانب سے کم آمدنی والے طبقات کے لیے یوٹیلٹی اسٹورز کے ذریعے سبسڈی کی فراہمی، اشیائے ضروریہ کی قیمتوں کے تعین، اسٹاک کی دستیابی اور سپلائی سے متعلق لائحہ عمل کے بارے میں تجاویز تیار کی جا رہی ہیں۔ ترجمان نے بتایا کہ رمضان پیکیج کے تحت آٹا، گھی، آئل، دالوں، بیسن، چائے کی پتی اور مشروبات سمیت مختلف اشیائے ضروریہ رعایتی نرخوں پر فراہم کی جائیں گی۔