آئی پی ایل میں وکٹ کیپر اُلٹا ٹراؤزر پہن کر میدان پر پہنچ گیا

انھیں دیکھ کر کپتان ہردیک پانڈیا اور محمد شمی نے قہقہہ لگایا، کمنٹیٹرز نے بھی اس مزاحیہ غلطی کی نشاندہی کی

Sports Desk May 09, 2023

انھیں دیکھ کر کپتان ہردیک پانڈیا اور محمد شمی نے قہقہہ لگایا، کمنٹیٹرز نے بھی اس مزاحیہ غلطی کی نشاندہی کی۔ فوٹو: ٹوئٹر

گجرات ٹائٹنز کے وکٹ کیپر وردھیمان ساہا بوکھلاہٹ میں الٹا ٹراؤزر پہن کر وکٹ کیپنگ کیلیے پہنچ گئے۔

لکھنؤ سپر جائنٹس کے خلاف میچ میں وردھیمان ساہا کو چوٹ لگی، جس کی وجہ سے ٹیم نے متبادل کے طور پر کے ایس بھارت کو میدان میں اتارنا چاہا مگر امپائرز نے اجازت نہیں دی، اس پر ٹیم مینجمنٹ کو ساہا کو بلانا پڑا مگر وہ جلد بازی میں الٹا ٹراؤزر پہن کر میدان میں پہنچ گئے۔

انھیں دیکھ کر کپتان ہردیک پانڈیا اور محمد شامی نے قہقہہ لگایا، کمنٹیٹرز نے بھی اس مزاحیہ غلطی کی نشاندہی کی۔

یہ بھی پڑھیں: پانی پوری بیچنے والے جیسوال آئی پی ایل کے ہیرو بن گئے

میچ کے بعد وردھیمان ساہا نے کہا کہ میں تو مطمئن ہوکر کھانا کھارہا تھا جب مجھے میدان میں اترنے کو کہا گیا تو جلد بازی میں الٹا ٹراؤزر پہن لیا۔