پاکستان تحریک انصاف کے چیئرمین عمران خان کی گرفتاری پر مسلم لیگ ن کے مرکزی سیکرٹریٹ میں مٹھائی تقسیم کی گئی۔

ایکسپریس نیوز کے مطابق چیئرمین پی ٹی آئی عمران خان کی گرفتاری کی خوشی میں پاکستان مسلم لیگ ( ن ) کے مرکزی سیکرٹریٹ میں مٹھائی تقسیم کی گئی اور کارکنوں نے ایک دوسرے کا منہ میٹھا کرایا۔

واضح رہے کہ نیب راولپنڈی نے آج رینجرز کی مدد سے چیئرمین پی ٹی آئی کو اسلام آباد ہائی کورٹ میں پیشی کے موقع پر گرفتارکرلیا ہے۔