پاکستان نے آئی سی سی کو ورلڈکپ میں شمولیت کی یقین دہانی نہیں کروائی بھارت

آئی سی سی کے اعلیٰ عہدیدار کا انکشاف

ویب ڈیسک May 11, 2023

آئی سی سی کے اعلیٰ عہدیدار کا انکشاف (فوٹو: ایکسپریس ویب)

پاکستان کرکٹ بورڈ (پی سی بی) نے انٹرنیشنل کرکٹ کونسل (آئی سی سی) کو بھارت میں شیڈول 2023 ورلڈکپ اپنی ٹیم کی شرکت کے حوالے سے کوئی یقین دہانی نہیں کروائی۔

بھارتی میڈیا کی رپورٹس کے مطابق پاکستان کرکٹ بورڈ (پی سی بی) کی مینجمنٹ کے سربراہ نجم سیٹھی آئی سی سی اور اے سی سی کے اعلیٰ حکام سےمیٹنگ کیلئے دبئی میں موجود ہیں، تاہم پاکستان نے میگا ایونٹ میں اپنی شرکت کے حوالے سے کوئی یقین دہانی نہیں کروائی ہے۔

آئی سی سی کے ایک رکن نے انڈین میڈیا کو بتایا ہے کہ بھارت میں شیڈول ورلڈکپ 2023 جس طرح بھارتی کرکٹ بورڈ (بی سی سی آئی) کو اپنی حکومت اجازت طلب کرنا پڑتی ہے اسی طرح پاکستان کرکٹ بورڈ (پی سی بی) بھی بغیر حکومتی اجازت کوئی وضاحت نہیں دے سکتا۔

مزید پڑھیں: پاکستان نے چیمپئینز ٹرافی 2025 کیلئے بھارت سے ''تحریری گارنٹی'' مانگ لی

دوسری جانب گزشتہ روز ورلڈکپ 2023 کے حوالے سے غیر حتمی شیڈول اعلان سامنے آیا ہے جس میں پاکستان اور بھارت کی ٹیمیں 15 اکتوبر کو ایک دوسرے کے مدمقابل آئیں گی تاہم اسٹیڈیم کے نام کا اعلان تاحال سامنے نہیں آیا۔

مزید پڑھیں: ورلڈکپ 2023 کے شیڈول کا اعلان؛ پاک بھارت میچ کب ہوگا، تاریخ سامنے آگئی

قومی ٹیم کے میچز بالترتیب 13 کو کوالیفائنگ ٹیم، 15 اکتوبر کو بھارت، 17 اکتوبر کو نیوزی لینڈ، 21 اکتوبر کو افغانستان، 29 اکتوبر کو انگلینڈ، 2 نومبر کو بنگلہ دیش، 5 نومبر کو آسٹریلیا، 11 نومبر کو روایتی حریف بھارت سے شیڈول ہیں۔

مزید پڑھیں: ''ورلڈکپ 2023؛ پاکستان نریندر مودی اسٹیڈیم میں میچ نہیں کھیلے گا''

واضح رہے کہ ایشیاکپ کے حوالے سے بھی ٹورنامنٹ پر سوالیہ نشان برقرار ہے جبکہ پاکستان اپنے موقف پر قائم ہے کہ میچز پاکستان میں ہوں گے یا پھر ہائبرڈ ماڈل کے تحت بھارت کے میچز یو اے ای میں منعقد کروائے جاسکتے ہیں۔