جرمنی میں مرسڈیز بینز کے مینوفیکچرنگ پلانٹ میں فائرنگ سے 2 افراد ہلاک
53 سالہ شخص صبح 7:45 بجے ہال میں داخل ہوا اور دو افراد پر گولی چلا دی، پولیس
جرمنی میں مرسڈیز بینز کے مینوفیکچرنگ پلانٹ میں فائرنگ سے دو افراد ہلاک ہو گئے۔
الجزیرہ کی رپورٹ کے مطابق سی کلاس ماڈل کو اسمبل کرنے والی ایک فیکٹری یونٹ میں فائرنگ کے تبادلے کے بعد ایک شخص کو گرفتار کیا گیا۔ پولیس نے ایک بیان میں کہا کہ 53 سالہ شخص صبح 7:45 بجے ہال میں داخل ہوا اور دو افراد پر گولی چلا دی۔
پولیس نے بتایا کہ سیکیورٹی عملے نے مشتبہ شخص کو پلانٹ کے ہال میں حراست میں لیا اور اسے پولیس کے حوالے کر دیا۔ پولیس کے مطابق دونوں زخمی زخموں کی تاب نہ لاتے ہوئے دم توڑ گئے۔
اس ضمن میں مزید تفصیلات فراہم نہیں کی گئی۔