اسرائیل کی پانچویں روز بھی غزہ پر بمباری بچوں سمیت شہدا کی تعداد 35 ہوگئی

مقبوضہ مغربی کنارے میں اسرائیلی بمباری سے متعدد عمارتیں تباہ ہوگئیں:فوٹو:فائل

---

اسرائیل نے ریاستی دہشتگردی کا مظاہرہ کرتے ہوئے پانچویں روز بھی غزہ کے مختلف مقامات پر بمباری کی۔

غیرملکی میڈیا کے مطابق مقبوضہ فلسطین کے علاقے غزہ میں اسرائیلی فورسز کے طیاروں نے گنجان آبادی والے علاقوں کو نشانہ بنایا جس کے نتیجے میں متعدد فلسطینی زخمی ہوگئے۔اسرائیل فوج کی بمباری سے غزہ کی پٹی میں کئی عمارتوں کو نقصان پہنچا اور انفرا اسٹرکچر تباہ ہوگیا۔

دوسری جانب قابض اسرائیلی فورسز نے مقبوضہ مغربی کنارے میں واقع فلسطینی پناہ گزین کیمپ پر دھاوا بول کر نہتے فلسطینی مردوں، خواتین اوربچوں پر انسانیت سوز تشدد کیا۔ متعدد فلسطینی نوجوانوں کو گرفتار بھی کرلیا گیا۔

اسلامی جہاد تحریک کے مطابق اسرائیل کی وحشیانہ کارروائیوں میں اب تک 6 رہنماؤں کو شہید کیا جا چکا ہے۔ پانچ روز سے جاری اسرائیلی بمباری میں اب تک 6 بچوں سمیت 35 فلسطینی شہید ہوچکے ہیں۔