خیبر پختون خوا میں تمام تعلیمی ادارے پیر سے کھولنے کا اعلان

صوبائی حکومت نے پیر سے تمام تعلیمی ادارے کھولنے کے احکامات جاری کر دیے۔

پیر 15 مئی سے تمام سرکاری جامعات اور کالج کے ساتھ ساتھ میٹرک کے امتحانات بھی شروع کر دیے جائیں گے۔


پشاور سمیت صوبے کے 8 تعلیمی بورڈز نے 10 سے 13 مئی تک ملتوی کردہ پرچوں کا نیا شیڈول بھی جاری کر دیا ہے۔

پیر 15 مئی سے 18 مئی تک تمام پرچے پرانے شیڈول کے مطابق ہی لئے جائیں گے۔ 10 سے 13 مئی تک ملتوی پرچے 19 سے 23 مئی تک شیڈول کر دیے گئے ہیں۔

23 مئی سے شروع ہونے والے پریکٹیکل اب 25 سے 30 مئی تک کرائے جائیں گے۔ ایف اے ایف ایس سی کے بورڈ امتحانات جو 30 مئی سے شروع ہونے جار رہے تھے اب 8 جون سے شروع کرنے کا فیصلہ کیا گیا ہے۔